1 Ilä mwɛy Yɛsu katɛɛl nsim yi ntɔn muswaŋ ba naa ba bàkyer ayamà taaŋ lanswà, bàkɔ̈ɔ̈n ayɔɔn: 2 « U bul mwɛy, kàkäl anà ntɛɛn mwɛy. Nde Nzam kàfun’weemà anki, nde mbuur wanswà kàfun’manà naa wa undiir a bunàbun. 3 U bul nsil alan kàkäl sye anà un’kweel a un’dim mwɛy kàfayaa taaŋ lanswà akà nde ntɔn nde ulɔ̈ɔ̈n ndaa ande, nde kàtɛɛnà naa: "Mpɛ iböŋ udu a un’yiiŋ amɛ!" 4 Taaŋ mbɔɔn ntɛɛn awà kàkyer atɔnà, wɛɛ mpal mwɛy nde kàtɛn u mpem ande naa: "Yà ndandaa naa mɛ Nzam bɔɔmà in’fun’man anki, mɛ sye akà mbuur mwɛy làkoo in’fun’sà anki, 5 wɛɛ asànaa un’kweel a un’dim wà kàman’sà pfwopfwo, mɛ in’kyer un’lɔ̈ɔ̈n ndaa ande, naa tɛy, usinayaa nde abà, nde ayan’twääl lingyoomà." » 6 Apan Mwol waa ufàkwɛy naa: « Làwem ndaa kan’tɛn ntɛɛn un’be wà! 7 Wɛ bɛ làsii naa Nzam uyàpà anki iböŋ agyägyä akà baar ande kàsɔ̈ɔ̈l nde, bàfun’bel mpib anà mwäänà? Nde ayàbwiy mpib mukyer abà? 8 Mɛ, mɛ alàkyään naa nde ba iböŋ ayapà agyägyä. Wɛɛ, nkye mpal usàyà Mwan a mbuur, nde akyer asàtaan làkwikilà u mɛɛn? »