LUKÀ 2:41-52 | YNS | Bíblia Online

Yɛsu u ndwà a Nzam u mbul kwem aŋiyweel

41 Aböör a Yɛsu bàfakyeenà Yɛlusàlɛm mbul wanswà mukàdyà Pak.

42 Mpal kàkäl Yɛsu mbul kwen aŋiyweel, ba bun’syen Yɛlusàlɛm asànaa ikääl aba. 43 Mpal yàwü nköŋ, ba waa bàfurà, wɛɛ mwan Yɛsu kàsàsal u Yɛlusàlɛm, aböör ande bàyöb anki. 44 Ba bàsii naa nde wa anà atɔŋ aba bàtüüb ba mbwo, ba bàkyer mwäänà mwɛy muyikyà, waa bàsɛmà muyun’leŋ uboo a atɔŋ aba anà uboo a asam aba. 45 Wɛɛ ba bun’mɛn anki. Apan ba bàfurà Yɛlusàlɛm mukun’leŋ. 46 Ungö ilä itär ba bun’mɛn u ndwà a Nzam kàkyàbwaay uboboo a alɔɔŋ a un’kɔɔn. Nde kàkäl muweemà ba anà musà ba mfuul. 47 Baar banswà bàweemà ndaa ande bàkäl mubem ntɔn un’yɛnà ande anà mfuur a ndaa ande. 48 Mpal bun’mɛn aböör ande, ba bàkyer abem, lalan ngwän kàtɛn nde a nde naa: « Mwan amɛ, ntɔn nkye amà ikyer ngye abà? Ler, taaràŋà anà mɛ, bi kan’kyɛɛr mbɔɔn muyaleŋ. » 49 Nde waa kafuur naa: « Ntɔn nkye làyan’leŋ bɛ? Bɛ làyöb anki naa mɛ in’kyer akyer isal a taaràmɛ? » 50 Wɛɛ ba bàsàyöb anki ndaa kàtɛɛnà nde.

51 Apan Yɛsu kàfurà Nasàlɛr anà ba. Nde kàkyer afalabà ndaa aba. Ndaa ayi yanswà ngwän ya kàkäärà u mpem ande. 52 Yɛsu kàkäl muyɛl unsà ndür anà unsà an’yeerà. Nde sye kàpɛɛ un’sak akà Nzam anà akà baar.

LUKÀ 2

Yɛsu u ndwà a Nzam u mbul kwem aŋiyweel

Veja também

Filipenses 4:6 explicado: o que significa "não andeis ansiosos"?

Oração para pedir a Deus que aumente a fé quando o coração está cheio de dúvida