Un’kyeey mwɛy kan’kàmɛnà akà aseey
8 U ntsü ayin sye aseey bàfabɔ̈ɔ̈nà u nsà uboo a an’ywaŋ muyiler in’kɔk aba u mpib. 9 Wɛɛ, le, un’kyeey a Mwol mwɛy kàyàmɛnà akà ba, làkoo a Mwol sye làswɛŋ pɛɛlà a la. Ba bàwɛn bɔɔmà mbɔɔn. 10 Wɛɛ un’kyeey kàtɛn a ba naa: « Twon lan’wem bɔɔmà, ntɔn mɛ amàlatwääl làsaŋ aŋàbwaŋ làyàpà un’sak akà baar banswà: 11 U mpib aŋàbà, u bul a David, bàmàlaböör Un’tswää a mɔ̈ɔ̈ mwɛy, nde wà Klistɔ, wà Mwol.
12 « Bɛ làyun’man unsà idiim ki: mwan aŋàlal ipfɛy, wàŋàbyee uboo a unkwak. »
13 Kà imbürà, akyeey a du mbɔɔn waa bàyun’taan, bàmusà Nzam làkoo, bàmutɛn naa:
14 « Làkoo akà Nzam kà ikal a dudu, duu u mɛɛn uboo a baar bàfun’kwen! »