Lucas 22

Petɔlà kan’tɔn Yɛsu

54 Apan ba bun’te mpi, waa bun’syen u ndwà a amfum a angaŋ. Petɔlà kàyilabà ukwɛl. 55 Baar bàyöbà mbaa uboo a làpaŋ. Petɔlà kàbwaayà uboo a baar bàkäl ukɔl a ya. 56 Un’syääl mwɛy wà un’kaar kun’mɛn tsütsü a ba, laa kun’syebà u kyɛɛy a mbaa, waa kàtɛn naa: « Le, mbuur wà sye kàkäl anà nde. » 57 Wɛɛ nde kàkyer un’tɔn, waa kàtɛn naa: « Un’kaar wà, mɛ nde un’yöb anki. » 58 Ungö a taaŋ ikikye, mbuur asin kàmɛn nde Petɔlà, kàtɛn a nde naa: « Ngye sye awà umwɛy uboo a baar bà! » Petɔlà naa: « Mbuur wà, mɛ mwo watɛy! » 59 Tsütsü ungö a taaŋ làmwɛy, mbuur asin waa ufàtɛn a ngwal yanswà: « Ndandaa, mbuur wunà kàkäl anà nde ntɔn nde wà un’nsi Ngalilɛ. » 60 Petɔlà kàfuur naa: « Mbuur wà, mɛ in’yöb anki naa ngye nkye akwen mutɛn. » Taaŋ nsil alan, nde kàkäl anki aŋàtàmay mutɛn, nkɔɔ waa kàbel. 61 Mwol kàbulà nde, waa kàler Petɔlà. Apan Petɔlà kàyɔbà ndaa kun’kyään Mwol: « Kusà nkɔɔ mutàbel ŋàbawà, ngye ayan’tɔn mbalà tär! » 62 Apan laa kàtoo nde, waa kàlel ubwaŋàbwaŋ.