Lucas 8

Yɛsu kan’kwaam un’pöb

22 Yàlɔ̈m naa ilä mwɛy, Yɛsu kàbilà u bwaar a kölàköl anà alɔŋki ande, waa kàtɛn a ba naa: « Tsweenà bi isabà sim a ɛwà. » Ba waa bàkyen. 23 Mpal bàkäl ba mubweel, Yɛsu waa kàbɔ̈ɔ̈n. Kà imbürà, un’pöb a ngwal kàyi udu a ɛwà. An’dà waa màsɛmà mubilà u bwaar, ba bàkäl u mpay a ukwà. 24 Alɔŋki bàsin tsütsü apà Yɛsu, waa bun’wiy anà in’kwɛŋ u mun: « Un’lɔɔŋ, Un’lɔɔŋ, bi abà ikwà! » Nde waa usubà, waa uŋän un’pöb anà ibɔ a kölàköl byà an’dà: bya waa byàkwamà, duu waa làbilà. 25 Apan, Yɛsu kàtɛn a alɔŋki ande naa: « Làkwikilà abɛ làken? » Wɛɛ ba bàkäl u bɔɔmà anà unsà ubem, ba bàtɛɛnà ba a ba naa: « Baal awà wà nà? Nde wàmuŋän un’pöb anà ibɔ a an’dà, bya sye byàmukun’weemà. »

Yɛsu kan’kɔɔr baal kàkäl anà an’dweelà an’be

26 Ba bàkɔlà u mɛɛn a Ngɛlàsà u sim a Ngalilɛ.