Lucas 9

12 Mpal bàmɛn antööm bàkwem aŋiyweel naa taaŋ lan’sɛmà muminà, ba bàsin tsütsü apà Yɛsu, waa bun’kyään naa: « Apay baar, ba bàkyen kà an’bul anà u bitsuŋ a ndwà byà tsütsü ntɔn ba bàkàleŋ ikal abɔ̈ɔ̈n anà isaa adyà ntɔn bi apà ibà u nsye a ipɔl. » 13 Yɛsu waa kafuur naa: « La pɛ udyà bɛ ŋakwo. » Ba waa bun’fuur naa: « Bi iwe amà mampà tyeen anà nsö yweel, tɛn naa bi ŋakwo ikàsom isaa ntɔn mbul a baar wà. » 14 Abaal bàkäl isii a nsaab tyeen. Yɛsu naa: « Làswɛŋ baar bàbwaay an’kwem an’tyeen, an’kwem an’tyeen. » 15 Ba bàkyer abun, bàpɛ baar banswà ikal abwaay. 16 Yɛsu kàwɛl mampà mà an’tyeen anà nsö yàyweel, waa kàler u du, kàfuur an’tɔɔn akà Nzam. Ungö apan waa kàtsül mampà anà nsö, waa kàpɛ alɔŋki ande ntɔn mupà akà baar banswà. 17 Baar banswà waa bàdi, bàyüür. Itiir a mampà byàsäl mbɔↄn, bya byàyööl in’lwaŋ kwem aŋiyweel.