57 Mpal bàkäl ba u mbwo, mbuur mwɛy kàyi nde, kàtɛn a Yɛsu naa: « Mɛ in’kyer ayalab ntsü yanswà ayàkyà ngye. » 58 Yɛsu waa kun’fuur naa: « In’kyɛŋ mye anà an’fu, nɛn a du ye anà an’yaab, wɛ Mwan a mbuur ikal musà un’tswe kyatɛy. »

59 Yɛsu waa kàtɛn a mbuur mwɛy naa: « Yan’läb! » Mbuur awà waa kàtɛn a nde naa: « Mwol, an’pɛ mbwo mɛ in’tàkàdyee taa. » 60 Yɛsu waa kun’fuur naa: « Wɛy akü bàdyee akü aba. Wɛɛ ngye, kyen kapay làsaŋ a Imwol a Nzam! »

61 Mbuur asin waa kàtɛn a nde naa: « Mɛ in’kyer ayalab, wɛɛ ngye tan’pà mbwo mɛ in’kàpà atɔŋ amɛ mbɔr a ntsüü. » 62 Yɛsu waa kun’fuur naa: « Mbuur kan’sà kɔɔ ande mulem ywaŋ ande anà kan’wɛy la ntɔn mukyer undiir asin, nde ukwe anki uboo a Imwol a Nzam. »