Mateus 14:15-21 | Versão YNS

15 Mpal làbü sisye, alɔŋki bàsin tsütsü apà nde, waa bàtɛn a nde naa: « Ikal ki kyà ipɔl, taaŋ sye lan’kyà itaan. Apay baar bàkyen ba ŋakwo bàkàsom isa adyà kan’bul. » 16 Yɛsu kafuur naa: « Ba mfun akyà yatɛy, lapɛ isa adyà bɛ ŋakwo! » 17 Wɛɛ ba bàtɛn a nde naa: « Apà bi ibye anà mampà an’tyeen anà nsö yweel mpɛl. » 18 Nde kàtɛn naa: « Lan’twääl abyà kà. » 19 Apan, ungö muswaŋ iköŋ a baar mubwaay udu a in’lɛŋ, nde kàwɛl mampà aman man’tyeen anà nsö yàyweel, kàler u du, waa kàsaak bya. Ungö, nde kàtsütsül mampà, waa kàpɛ ma akà alɔŋki, ba waa bàkàkäb ma akà iköŋ a baar. 20 Baar banswà waa bàdi, waa bàyüür. Ba bàsyen in’lwaŋ kwem aŋiyweel myàŋàyɔl a itiir byàsäl. 21 Baar bàdi bàkäl isii a abaal nsaab tyeen, ukɔɔn ataŋ akaar anà baan.

Mateus 14

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?