Mateus 17

Yɛsu kan’kɔɔr mwan ikwànkaaŋ

14 Utaaŋ bàyàkɔlà ba kà ikal kàkäl un’sɛŋ a baar, mbuur mwɛy kàyàbwà an’köm kà in’kɔl a Yɛsu, 15 waa kun’bɔ̈ɔ̈n naa: « Mwol, un’wem ngyɛb mwan amɛ, nde afikwà nkaaŋ anà afiman mpay mbɔɔn. Mbalà mbɔɔn nde afàbwà u mbaa itàkal kan’dà. 16 Mɛ amun’pà akà alɔŋki angye, wɛɛ ba bàsàkwo anki mukun’kɔɔr. » 17 Mufuur, Yɛsu kàtɛn naa: « Làfuun a làbe anà làkɔ̈ɔ̈n làkwikilà! Tii mpal nà in’sàkalà mɛ anà bɛ? An’taaŋ an’kwe in’sakaŋà mɛ mpem ntɔn bɛ? Lan’twääl awà pà mwan awun. » 18 Apan Yɛsu kàswɛŋ unsɔŋà mutoo, wa waa kàtoo u mwan awun. Taaŋ nsil sye alan mwan awun laa kàkɔɔrà nde.