Mateus 17

Mfüür a itɛr a ndwà a Nzam

24 Mpal bàyàkɔlà ba Kapɛrnawum, afüür a itɛr a ndwà a Nzam bàyi akà Petɔlà, waa bun’fuul naa: « Ntɔn nkye Un’lɔɔŋ abɛ mpa ufàfur nde itɛr a ndwà a Nzam? » 25 Petɔlà kàfuur naa: « Ɛɛ, nde akyer afàfur. » Mpal kàbilà Petɔlà u ndwà, Yɛsu kàdi nsweel, waa kun’fuul naa: « Simɔn, an’kyän angye mye aben? Amfum a mɛɛn un’laam itàkal itɛr bàfàwal akà nà? Akà baan aba lɛɛ akà angyey? » 26 Petɔlà kàfuur naa: « Akà angyey. » Yɛsu naa: « Abun, baan a ndwà mwo batɛy. 27 Itàkal abwɛy, mukɔɔn adwa làkwikilà aba, kyen kà ɛwà, tɔɔm ndɔb angye. Nsö atàtwɛb asiim ngye, duub mun awa, ngye ayàman itɛr a ngim, wal kya, apɛ ntɔn bi bàbɔ̈ɔ̈l. »