9 Ungö bàwem ba ndaa kàtɛn mfum Ɛlɔdi, ba waa bàkyen, waa bàfàman mbwaar awà bàtàman ba umper làfàsɛnà taaŋ: mbwaar wa kàyikyeenà kusà a ba tii kàkàmbar wa udu a ikal kàkäl mwan. 10 Umpal bun’tääl ba, ba bàmɛn un’sak mbɔɔn. 11 Mpal bàbilà ba u ndwà, ba bàmɛn mwan anà ngwän ande Màlye, waa bun’kömà. Apan, ba bàduub an’bɔ̈ɔ̈n aba, waa bun’pɛ an’kab mà: wɔl, tswà anà may a usɔŋ. 12 Ungö apan, Nzam kakyään u ndwɛy naa ba bàkɔɔn afurà akà Ɛlɔdi, ba waa bàfurà nsi aba u mbwo asin.