MÀTAY 24

Un’syääl a lää anà un’syääl mpa awà lää

45 « Abun, nà awà un’syääl a lää anà wàŋàlɔ̈ɔ̈n awà kàpɛ nkum buur a asyääl a ndwà ande ntɔn mukapà isa u taaŋ a taaŋ? 46 Un’sak akà un’syääl awà usyetaan nkum ande, taaŋ usàyà nde, wàmukyer abà! 47 Ndandaa mɛ alàkyään, nde asun’pà buur a indiir ande byanswà. 48 Wɛɛ, isàkal naa nde wà un’syääl un’be, nde asàyweer naa: "Nkum amɛ usyefurà anki agyägyä", 49 anà nde ubulà mudüb atɔŋ ande bà isal, mudyà anà munwà ikal imwɛy a in’yöör a man, 50 nkum a un’syääl awà asàyà kà ilä anà u taaŋ mpa uyöb nde. 51 Nde akyer asun’böŋ anà asun’pà ntaaŋàmbar ikwe a baar a mpem yweel: kwo isàkal ilel anà nkwoor a an’din. »