35 Ntɔn mɛ, mɛ kàkäl anà ngyal, bɛ lan’pɛ isaa adyà. Mɛ kàkäl anà mfwää, bɛ lan’pɛ undiir anwà. Mɛ kàkäl ungyey, bɛ waa lan’wɛl, 36 mɛ kàkäl wànsàpɔl, bɛ waa lan’bwää. Mɛ kàkäl anà ukyal, bɛ waa làyan’ler. Mɛ kàkäl u bɔlokà, bɛ waa làyan’ler." 37 Apan, baar a balàbal bàsun’fuur naa: "Mwol, mpal nà kamɛn bi anà ngyal, waa bi kapɛ isaa adyà, itàkal anà mfwää, waa bi kapɛ undiir anwà? 38 Mpal nà kamɛn bi ungyey, waa bi kawɛl, itàkal wànsàpɔl waa bi kabwää? 39 Mpal nà kamɛn bi anà ukyal itàkal u bɔlokà, waa bi kàyaler?" 40 Mfum usafuur naa: "Mɛ, mɛ alakyään ndandaa: mbalà yanswà ayà làkyer bɛ indiir abi akà umwɛy ubɔɔ a bibaan akye bà, abà atɔŋ amɛ, bɛ bya làkyer akà mɛ." »