Mateus 4:1-11 | Versão YNS

Ndɛb a Yɛsu

1 Ungö apan, Dweelà a Nzam kàsyen Yɛsu u nsye a ipɔl ntɔn ileŋ kyun’lwɛb. 2 Ungö mukin udyà myäänà an’kwem an’nà anà mpib an’kwem an’nà, ngyal waa yun’käär. 3 Un’lwɛɛb kàyàsin tsütsü, waa kàtɛn a nde naa: « Kya ngye asàkal Mwan a Nzam, swaŋ nkɔŋ yi ibulà mampà. » 4 Wɛɛ Yɛsu kàfuur naa: « Bàsön naa: "Kà nà mampà mpɛl anki màfàpà mbuur mɔ̈ɔ̈, wɛɛ ndaa yanswà ifàtoo u mun a Nzam". »

5 Apan, ileŋ kyun’syen u bul in’kyɛɛl, laa kun’si nde udu a ndwà a Nzam, 6 waa kàtɛn a nde naa: « Kya isàkal naa ngye awà Mwan a Nzam, tɔɔmà unsi, ntɔn bàsön naa: "Nde asàswaŋ akyeey ande ntɔn ngye, waa ba bàsawal kan’kɔɔ aba ntɔn làkɔl angye làkɔɔn aböl u nkɔŋ mwɛy". »

7 Yɛsu kàtɛn a nde naa: « Bàsön sye naa: "Ngye asun’lwab anki Mwol, Nzam angye". »

8 Ileŋ kàfun’syen udu a mɔŋ a bwɛlàbwɛl, waa kun’mɛɛy imfum a mɛɛn byanswà anà làkoo abya, 9 waa kàtɛn a nde naa: « Mɛ in’sapà indiir bi byanswà, isàkal naa ngye aman’kömà anà aman’sà làkoo. » 10 Abun Yɛsu waa kàtɛn a nde naa: « Satanà, kyà kunà! Ntɔn bàsön naa: "Ngye asàkömà Mwol Nzam angye anà ngye asàsyääl nde mpɛl". » 11 Abun, ileŋ waa kàsun’wɛy. Apan sye, akyeey bàyàsin tsütsü apà Yɛsu, waa bun’syäälà.

Mateus 4

Ndɛb a Yɛsu

Veja também

O que é o Espírito Santo e qual é o seu papel na vida cristã?

Oração para pedir a Deus que aumente a fé quando o coração está cheio de dúvida