MÀTAY 4

Yɛsu kan’bel alɔ̈ɔ̈b a nsö a nà

18 Mpal kàkäl nde muyikyà kun’kɔɔl a ɛwà a Ngalilɛ, nde kàmɛn atɔŋ abɔ̈ɔ̈l, Simɔn bàfàbel Petɔlà anà un’tɔŋ ande Andrɛ, bàmuyitɔɔm an’tɛy u ngyäl, ntɔn ba bàkäl alɔ̈ɔ̈b a nsö. 19 Yɛsu kàtɛn a ba naa: « Yà lan’läb, waa mɛ in’yàlabuul alɔ̈ɔ̈b a baar. » 20 Apan sye, ba bàsàwɛy an’tɛy, waa bun’läb. 21 Mpal kàfàsin nde kusà, nde kàmɛn atɔŋ abɔ̈ɔ̈l asin, Zyak anà Ywan, baan a Zɛbeday. Ba bàkäl uboo a bwaar aba anà taaràba Zɛbeday bàmulɔɔnà an’tɛy aba. Yɛsu waa kabel. 22 Apan sye, ba bàsàwɛy bwaar anà taaràba, waa bun’läb.