Mateus 8:28-34 | Versão YNS

Abaal a an’dweelà an’be bɔ̈ɔ̈l

28 Mpal kàkɔlà Yɛsu u sim lumwɛy, u nsi a baar a Gadarà, baar a an’dweelà an’be bɔ̈ɔ̈l bayàtoo kan’dii, waa bàyàbwey anà nde. Ba bàkäl anà umpɔr mbɔɔn, lalan akà mbuur mwɛy kàkwe anki mulyaŋ u mbwo ayin. 29 Waa le, ba bàsɛmà musà in’kwɛŋ: « Mwan a Nzam, ndaa nà ngye awe ayà anà bi? Ngye an’yà pà ntɔn mukà itwääl lingyoomà kusà a taaŋ mukwo? »

30 U kikwɛl, làkäl anà làböl a kölàköl là ngul làkäl muyidyà. 31 An’dweelà an’be màlɔ̈ɔ̈m akà Yɛsu naa: « Kya ngye asàkwen mukiböŋ, itöm u làböl a ngul lanà. » 32 Nde kàtɛn a ma naa: « Làkyen. » Ma waa màtoo, waa màkàbilà u ngul. Apan sye, làböl a ngul làkaamà fà iköl a mɔŋ, waa làkàbwà kà ɛwà, waa làminà kan’dà. 33 Aseey a ngul waa bàtiin, bàkàbila u bul, waa bàkyään yinà yanswà yàlyaŋ anà indiir byàbweel baar bàkäl anà an’dweelà an’be. 34 Apan bul lanswà waa làtoo mukàman Yɛsu. Utaaŋ bun’mɛn ba, ba bun’bɔ̈ɔ̈n naa nde ulwomà u nsi aba.

Mateus 8

Abaal a an’dweelà an’be bɔ̈ɔ̈l

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?