Mateus 8

Yɛsu kan’kɔɔr un’syääl a kaptɛn

5 Umpal kàbilà Yɛsu u Kapɛrnawum, kaptɛn a aŋità mwɛy kàsin tsütsü apà nde, waa kun’bɔ̈ɔ̈n, 6 waa kàtɛn a nde naa: « Mwol, un’syääl amɛ wàŋàbɔ̈ɔ̈n u ndwà, ndür ande ikanii anki, nde wàmuweemà usaay mbɔɔn. » 7 Yɛsu kun’fuur naa: « Mɛ, mɛ in’kyer akun’kɔɔr. » 8 Wɛɛ kaptɛn awun kàfuur naa: « Mwol, mɛ in’kwe anki naa ngye abilà u ndwà amɛ. Wɛɛ ngye, tɛn ndaa mwɛy mpɛl, un’syääl amɛ ukɔɔrà. 9 Ntɔn mɛ in’we anà amfum bàfan’ler anà mɛ sye in’we anà aŋità in’fàler mɛ. Kya mɛ insàtɛn a aŋità mwɛy naa: "Kyen!", nde laa ukyà nde, kya mɛ insàtɛn a wumwɛy naa: "Yà!", nde sye laa uyà nde, kya mɛ sye insàtɛn a un’syääl amɛ naa: "Kyer abà!", nde sye laa ukyer nde. » 10 Mpal kàwem Yɛsu ndaa ayin, laa kàbem nde, waa kàtɛn a baar bàyun’labà naa: « Mɛ alakyään ndandaa naa mɛ ŋàtàman anki làkwikilà atub alà akà mbuur mwɛy uboo a Isàlɛl. 11 Mɛ in’fàlakyään naa baar mbɔɔn bàsàfà mper làfàsɛnà anà làfàkàminà taaŋ, ba bàsàdyà mɛsà mwɛy anà Abàlam, Isak anà Yakɔb uboo a Imwol a du, 12 wɛɛ, aŋan’kwal a imwol bàsatɔɔm u nsà uboo a làpib: kwo isàkal ilel anà nkwoor a an’din. »

13 Apan Yɛsu kàtɛn a kaptɛn naa: « Furà ndwà angye, wɛy ya ikäl asànaa lan’lɔɔm làkwikilà angye! » Taaŋ nsil alan un’syääl a kaptɛn waa kàkɔɔrà.