Mɔ̈ɔ̈ anà Dweelà a Nzam
1 Lalan, apanà, ikwàndwà ifàkal anki ntɔn baar abà amu Klistɔ Yɛsu. 2 Ntɔn un’kɔɔn a Dweelà awafàpà mɔ̈ɔ̈ amu Klistɔ Yɛsu, kàman’tsuuŋ unsà un’kɔɔn a man’be anà ukwà. 3 Ntɔn undiir kàkäl mpay mukyer unsà un’kɔɔn, ntɔn un’sön kun’kwaamà ngwal, Nzam kàkyer akyer wa: ntɔn man’be, Nde kàtöm Mwan ande ŋakwo u ndür ayà asànaa ndür a man’be, nde kàpɛ ikwàndwà akà man’be unsà un’sön. 4 Kàkyer nde abà ntɔn balàbal alà kàlɔ̈ɔ̈mà un’kɔɔn làkwey amu bi, bi baar mpa ifàyikyà ungyɛl a ikɔ̈b a un’sön, wɛɛ unsà Dweelà. 5 Abun sye, ungyɛl a ikɔ̈b a un’sön, an’kyän aba màfàsyääl imbuur, wɛɛ baar abà ungyɛl a Dweelà, an’kyän aba màfàsyääl yin’kyɛɛl. 6 Ntɔn un’sön afàsyen kà ukwà, wɛɛ Dweelà afàsyen u mɔ̈ɔ̈ anà u duu. 7 Ntɔn an’kyän a un’sön màfàmbäär Nzam, ma màfàkal anki ungyɛl a un’kɔɔn a Nzam, ma màkwo anki akà ikikye. 8 Kyekà, baar bàfàkal ungyɛl a ikɔ̈b a un’sön, ba bàkwe anki mupà Nzam un’sak.
9 Wɛɛ akà bɛ, bɛ làbà anki unsà un’sön, wɛɛ unsà Dweelà, isàkal naa ndandaa Dweelà a Nzam wà anà bɛ. Isàkal naa mbuur watɛy anà Dweelà a Klistɔ, nde kà wà mbuur ande anki.
13 Ntɔn, isàkal naa bɛ làbà anà mɔ̈ɔ̈ unsà imbuur, bɛ làkyer asàkwà, wɛɛ isàkal naa unsà Dweelà, bɛ lan’dwa nkääl abɛ yà imbuur, apan bɛ làsàkal anà mɔ̈ɔ̈. 14 Kyakin, baar abà bàfasyeen unsà Dweelà a Nzam, ba bà baan a Nzam.