Zyak 2:14-26 | YNS | Bíblia Online

Làkwikilà anà isal

14 Atɔŋ amɛ, ndöŋ nà mbuur mutɛn naa: « Mɛ in’we anà làkwikilà », isàkal naa nde isal byatɛy? Nkye làkwikilà alà lan’kwo lun’tsü mɔ̈ɔ̈? 15 Bi itàwal naa un’tɔŋ mwɛy wàbaal itàkal wun’kaar, kà we anà undiir a bwaar itàkal wàdyà anki ilä byanswà, 16 wɛɛ umwɛy uboo a bɛ utɛn a nde naa: « Kyen unsà duu, bwaar ipfɛy a mpye anà dyà ubwaŋàbwaŋ », wɛɛ nde akà undiir mwɛy kun’pɛ anki ntɔn ndür ande, apan ndöŋ nà? 17 Ya yà abwɛy sye ntɔn làkwikilà: isàkal naa la lan’kɔɔn isal, la là undiir aŋàkwà la ŋakwo.

18 Wɛɛ mbuur mwɛy asàtɛn naa: « Ngye, ngye awe anà làkwikilà, wɛɛ mɛ, mɛ in’we anà isal! Nswɛŋ làkwikilà angye làkɔ̈ɔ̈n isal! Wɛɛ akà mɛ, mɛ in’sàswaŋ làkwikilà amɛ u mbwo a isal amɛ. 19 Nkye ngye afàsà làkwikilà naa Nzam wà mwɛy? Yà ubwaŋ. In’sɔŋà sye myàfàsà làkwikilà anà myàkyer afàtɛɛr! » 20 Insil a mbuur, nkye ngye akwen muyöb naa làkwikilà làkɔ̈ɔ̈n isal ndöŋ latɛy? 21 Nkye taaràbi Abàlam bun’twey anki wàbalàbal u mbwo a isal ande, mpal kàkäb nde mwan ande Isak udu a mɛsà a ibɔɔn? 22 Ngye an’man naa làkwikilà anà isal ande byan’kyà mbwo mwɛy: ntɔn isal ande, làkwikilà ande lan’mɛnà làŋàkwo. 23 Abà, ndaa bàsön yi unsà Ndaa Aŋàsɔn yàkyer akwo: « Abàlam kàsi làkwikilà akà Nzam, waa Nzam kun’twey wàbalàbal. » Anà bun’beelà un’sam a Nzam. 24 Bɛ lan’man naa mbuur an’kwo bun’twey wàbalàbal ntɔn isal, kà nà ntɔn làkwikilà mpɛl anki.

25 Ya yàkäl abun sye ntɔn Rayab, un’kaar a pasàsɛ. Nkye kà ntɔn isal ande anki waa nde kàtoo wàbalàbal, ntɔn kàwɛl nde akyeey a Isàlɛl anà katwey nde mbwo asin? 26 Asànaa ndür ikɔ̈ɔ̈n un’swey yàŋàkwà, abun sye, làkwikilà làkɔ̈ɔ̈n isal làŋàkwà.

Làkwikilà anà isal

Estes versículos te tocaram? Ore agora!