3 Isàkal naa bi kan’bäm un’siŋ u mun a mpoonà ntɔn ya iläb ukwen a bi, bi kan’kwo sye iyaal ndür aya yanswà. 4 Làler sye an’swà: itàkal naa ma mà uteer mbɔɔn, anà in’pöb a ngwal myàsiinà ma, kà indiir imwɛy kyan’swà bàfàbel naa kuvɛrnay laa isyen kya ma mper ukwen kaptɛn. 5 Ifà imwɛy sye, làlem là kitiir a ndür imwɛy. Wɛɛ la lye anà uyɔl mutɛn ndaa akölàköl.

Làsii làmwɛy asànaa kimbaa ifàkuuŋ kya ndwaŋ a kölàköl! 6 Làlem sye là mbaa. La là kiin a ube banswà. La là uboo a itiir a ndür abi anà làfàsà làbiin u ndür yanswà, làfàkuuŋ mɔ̈ɔ̈ abi wanswà. La ŋakwo sye làŋàkuŋà a mbaa a nsye a mbaa. 7 Mbuur kan’kwo mukwaam ntsür a umpɔr, itàkal nɛn, itàkal ntäy, itàkal nsö. 8 Wɛɛ akà mbuur mwɛy ukwe anki mukwaam làlem! La là bölà a bölà, là undiir mwɛy wà ube anà làŋàyɔl a idyà ifàtwaal ukwà.