Chipumulilo chapegwilwe ŵandu ni Akunnungu
7 Kwa yeleyo, mpela yakuti kusala Mbumu jwa Akunnungu,
"Lelo mwapilikanaga Akunnungu achiŵechetaga ni ŵanyamwe,
8 nkajilimbisya mitima jenu mpela achambuje ŵenu,
paŵakanile kunyitichisya,
katema paŵaningaga mwipululu.
12 Nipele, nlilolechesye achalongo achinjangu, akapagwa mundu jwalijose mwa ŵanyamwe jwali ni ntima wangalumbana wangaukukulupilila, ni kwakana Akunnungu ŵajumi. 13 Nambo pankupunda kupilikana liloŵe lyo "Lelo" lili nkusomekwa Mmalembo ga Akunnungu, ntusyane mitima moŵa gose kuti jwalijose mwa ŵanyamwe akasalambuchikwa ni sambi ni kuŵa jwamakani.
15 Malembelo ga Akunnungu gakuti,
"Lelo mwapilikanaga Akunnungu ali nkuŵecheta,
nkajilimbisya mitima jenu mpela achambuje ŵenu
iŵatite kupanganya paŵakanile kunyitichisya."