14 Nawe omuutu wuno atana Ekoro wa Taatabhugya, atakusuungʼaana gano gakurwa kwe Ekoro wa Taatabhugya, kwe ekigirirye kweewe gayo ni ga bhweene ego. Kweeki atakunagya kugamenya, kwe ekigirirye garamenyekana ageene kwo obhusakirya bhwe Ekoro wa Taatabhugya. 15 Omuutu wuno akukaangatwa ne Ekoro wa Taatabhugya aragamenya goosi, nawe ewe, atakunagya kumenyekana no omuutu wuyo woosi. 16 Ni kyeego Amakaamo Amahoreeru gakubhuga,

"Ni weewi wuno amenyiri gano Omukuru, Taatabhugya akwiiseega?

Kweeki ni weewi wuno akunagya kumutoongera?"*2:16 Rora Isaya 40:13.

Nawe, etwe turiiseega amangʼana kya gano Krisito akwiiseega.