Okugwaatana na abhaatu bhano bhatari abhiikirirya
14 Mutagwaatana na abhaatu bhano bhatari abhiikirirya. Mbe, eheene no obhubhi bhuratura kwiigwaana heene? Obhweero ne ekiirima bhiraturabhwi kubha hamwe? 15 Kweeki Krisito na Beriari6:15 Beriari ni riina eriindi rya Seetaani. bharaturabhwi kwiigwaana? Omwiikirirya na wuno atari omwiikirirya bhano obhwiigwaanoki? 16 Bhuriho obhwiigwaanoki gati we eriiseengerero rya Taatabhugya ne emisaambwa gyo okubhaazwa? Etwe ni iseengerero rya Taatabhugya wuno ari muhoru!6:16a Rora 1 Abhakoriinto 3:16; Abhaefeso 2:20-21. Kyeego Taatabhugya omweene akabhuga,
"Ndiikara hamwe nabho no okugeenda gati waabhu.
Ndabha Taatabhugya waabhu, nabho bharabha abhaatu bhaane."6:16b Rora Abharaawi 26:12; Yeremia 32:38; Ezekieri 37:27.
17 Kweego Omukuru akabhuga,
"Murwe gati waabhu, mwiiyaahure nabho.
Mutakunia kigiro ekinyaka,
niho neenye niraabhasuungʼaane."6:17 Rora Isaya 52:11.