5 Amiiseego geenyu gabhe garyagarya gano yaari nago Krisito Yeesu.
6 Yiingabha ewe kwe esimuka yaari Taatabhugya,
ataaruuzi ni kisi asaage agwaatiriiri riyo.
7 Nawe, ewe akaritiga riyo,
akiiyiikya, akabha kyeego omugya,
akiibhurwa mutuubho yo omuutu,
akabha omuutu.
8 Neewe akabha ne etuubho yo omuutu,
akiiyiikya,
akabha omwiigwa ku Taatabhugya,
akiikirirya okukwa,
naabhe kukwa kumusaraba!
9 Kweego Taatabhugya akamutiirya
iguru kukira ebhigiro bhyoosi,
akamuha eriina eriikuru kukira amariina goosi,
10 okubha kwo obhusuuku bhwe eriina rya Yeesu,
ebhigiro bhyoosi bhihigame kweewe,
bhya mwiisaaro,
bhya mukyaaro
na bhya nyaari.2:10 Nyaari. Rora engʼana yino mu Bhugaruri bhwa Amangʼana Amakongʼu.
11 Kweeki, abhaatu bhoosi bhiikirirye kubha
Yeesu Krisito ni Mukuru,
kwo obhuguungo bhwa Taatabhugya Taata.