12 Etabhoori yaho, hano Yeesu yaari na abhaanabheega bhaaye bhaari bharweereeri Betania kukyoora Yerusaremu, akiigwa enzara. 13 Akarora omuti gwo omutiini*11:13 Omutiini ni muti guno gutuubheeni no omuku. kwa kure, guno gwaari na amatu maaru. Akagwiisukira arore eraabhe gwaari ne emisumo gye ezitiini. Hano yahikiri harya, akabhona gutana emisumo, gwiizwiiri amatu ageene, kwo okubha eriibhaga ryo okwiibhura emisumo ryaari rikyaari kuhika. 14 Ambe akagubhuurira omuti gurya, "Kweemera reero yino tee kirakeego, otiibhura emisumo!" Abhaanabheega bhaaye bhakiigwa amangʼana gayo.