Mataayo 8

2 Rora! Omuutu wumwe we ebhigeenge akaaza, akahigama embere wa Yeesu, akamubhuurira, "Ee Omukuru, nimenyiri oranagya okunihorya okubha nieribhwe. Eraabhe oryeende, ndasabha onihorye!"

3 Yeesu akagororokya okubhoko kwaaye, akamubhataku, akamubhuurira, "Ndeenda ohore, weeribhwe!" Hayohayo, akahora obhurweeri bhwaaye. 4 Kyaamwe, Yeesu akamubhuurira, "Itegeerera, otamubhuurira muutu wowoosi iguru ya rino! Nawe wiiyeerekye kumuseengeri, oruusye ekimweeso kyeego emigiro gya Musa*8:4 Rora Abharaawi 14:1-32. gikuswaagya, okubha weerekye abhaatu kubha weeriibhwe."