6 Minmin nynh ahoy leipaw uccaw hae kha a duaa hae hawte aening nynh ah duaa khyh nawlan oh, atu hynh-e hae tuh aening hanlan dosuinku lanpaw nynh thua hae.10.6: Nam 11.4 7 Ccathyaa kyaze, "Ccungccaw hae tuh ae khylan te nia khylan dahung hae zah zue khylan bua a thokuh hae," cite azeiku hawte, nanning tuh minmin abang hawte zohtuh beiktu hae thua nan oh.10.7: Exo 32.6 8 Minmin abang tuh ohhuakunaw rae hae zah nin kheit lungkhu thong kuin thong thum a chi hae hawte, aening tuh ohhuakunaw rae nan oh sih.10.8: Nam 25.1-18 9 Minmin abang nynh Pachia kha syntawtua hae zah hupaw nynh a ro hae hawte, aening tuh Khri kha syntawtua nan oh sih.10.9: Nam 21.5-6 10 Minmin abang nynh ccohkuh hae zah a rohtupaw nynh a ro hae hawte, nanning tuh ccohkuh bua nan oh.10.10: Nam 16.41-49 13 Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.
Publicidade