Profehbya Hopaw
1 Sungsakunaw kha deehui oh lah, muisaw lasung hae kha mue lan peki oh, abyapi lante profehbya na ho kho nawlan oh peki oh. 3 Profehbya a hopaw tuh ccungccaw hae kha thawzung tynsahnaw, hyynawpaw te ngaengansahnaw bya kha nynh a hopya hae.
24 Thuasalama nae balynte profehbya na ho oh ze, a zyn leipaw, atolang e lu kheit nynh yn teebua ze, nae balynte a seinaw na muihsakuh oh zah aning kha na zynsah bua oh.
25 A zyn leipaw nynh a lungkaw te a tuakupaw balyn kha alangkuh vae cih; te aning nynh Pachia malang bakhungte a beik cih zah, "Pachia tuh nae kya a um ccaccing," cite a ho vae cih.
29 Profeh hae lu ning khyhze lu thum nynh ho hae sah lah, mingccang hae nynh hoyte tuase hae sah. 30 A pe dahungpaw lukhakheit nynh Pachia kyate byaphy lanpaw a mue ze, masaty a hopaw ccungccaw kha daebabi lan um hin sah. 32 Profeh hae kya-e muisaw hae nynh profeh hae kaw a ngae hae.