Khuaakannaw Athang
41 Elijah nynh Ahab kha, "Cceihthung lah, la ae lah la neih, pawccecize khuaa myarya ccanpaw roi accae," a cipya. 42 Tukeiccuze Ahab tuh ae lan te nia lan a cceihthung. Elijah tuh Karmel mua dung lang a kaethung, tuin kyakhe laephi kya bakhung zah a mae kha a ccukharu hae laku kya a nung.18.42-45: Jam 5.18 43 Te a ryalahtupaw kha, "Cceihthung lah, rili kalan khe dotua," a cipya. Aning nynh cciathungte do zah, "Pawpaw mah um khyh," a cipya. Te Elijah nynh, "Vae sari cia buabua cciatua," a cipya. 44 Vaesarinaw kyakhe, "Dotua, ccungccaw kuih ciapaw maeking taraw tuh rili lungkhu te yn kaethung," a cipya. Te Elijah nynh, "La cceih lah, Ahab kha, ‘Khuaa nynh phang ae khaw mawkhe na marangle kha paccynkuh lah, cceihbung ccavae,’ cite la hopah," a cipya. 45 Sosoh aro te vaawlui tuh maeking te khisan te pong yn moh zah khuaa myarya accan. Ahab tuh marangle ccikuh zah Jezreel khua lang a cceih.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)