4 Dong taruh te khaw ning hang zah myarya thungpaw, Gath khuapaw Goliath cikuhpaw tuh Filistin hae ryahmin kyate yn pou.
33 Saul nynh David kha, "Nang nynh e Filistin paw hynh tuk lan na ccianua kho lan khyh; pawccecize nang tuh imua na thua ung zah, aning tuh a ccangvae takaw lya mawte rhawkaw lang a tang vae," a cipya. 37 David nynh, "Chindeih ccutin te vong ccutin kyate yn khumpaw Bawipaw nynh e Filistin paw kuih kyate yn khum cih," a ci. Tukeiccuze Saul nynh David kha, "La cceih, Bawipaw nynh ae umkhae vae sah!" a cipya.
40 Te David nynh a hoitang kha ccyngkuh zah vawkhu e naebabingpaw lungpyng ccangpangaw kha pokuh zah, a tuurin uccaw athuapaw a zaw lungkhu khe a sangku; a zae kha a kuih te ccyngkuh zah Filistin paw kha a naenuaku.
45 Thuasalama David nynh Filistin paw kha, "Nang nynh thaloi, ccoi te ccoi dihpaw khate nae ccianua; thuasalama kae nynh tuh nang nynh na theihryapaw vaaw Bawipaw , Israel rhawkaw hae Pachia min te kae ccianua.
49 David nynh a zaw lungkhu lang a kuih pu zah lung ccangkheit kha thuaakute henuanawpaw zae te henua zah Filistin paw tuh a terui kya a tung; lung tuh a terui lungkhu lang po sungkuh zah laekhu kya a mae lante a khuliakuh.