David Gath lang A Ccue
10 David tuh thokuh zah tuin nin khe Saul kyate ccue zah, Gath siapharan Akhish kalan a cceih. 11 Akhish a ryalahtu hae nynh amaw kha, "E paw hynh mih ram kya-e siapharan David kha thua khyh tou? Minmin nynh lawbia hae zah,
‘Saul nynh athong thong te,
David nynh athong-asan te
a chia hae,’ cite liakute
hlawsah khyh hae tou?" a ci hae.21.11: 1Sa 18.7, 29.5
12 David nynh hynh-e bya hynh pekite tua zah Gath siapharan Akhish kha myarya a rih.21.12: Sam 56 (Abyalu) 13 Tukeiccuze mih malang khe a umtu ziazae kha rulae zah, a muihnaw hae kyakhe a ngaeepaw hawte a umsaku. Aning nynh thuakaw hae kha varivarae hya zah, a tuing kha a khawming kyate a luisah.21.13: Sam 34 (Abyalu) 14 Akhish nynh a ryalahtu hae kha, "Dotua oh, e paw tuh a ngaeepaw nynh thua; pawccemou ka kalan nae thuakhae oh? 15 A ngaeepaw ka hoi khyh keiccu tou hynh-e paw hynh ka malang a ngaeenaw langsaku lan nae thuakhae oh? E paw hynh ka inn lungkhu lang a tee cih tou?" a cipya hae.