Khri liate Taenaw
14 Khri kya aening kha taenaw kalan zungzae oun cciakhaepaw te aening kha mangte amaw nynaw mynkhuhpaw kha hmin takyh kya a zeihsakuhpaw Pachia kya thehoynaw um sah. 15 Pawccecize kaening tuh khum athua hae paw kya thuasah, aroh hae paw kya thuasah, Pachia elang Khri kya-e mynkhuhpaw nynh kae thua. 16 Ccungccaw lu kheit hanlan chinaw kyate chinaw kalan a cciakhaepaw mynkhuhpaw kae thua zah, mingccangpaw hanlan hiinnaw kyate hiinnaw kalan a cciakhaepaw mynkhuhpaw nynh kae thua. E ryalaw hae hanlan hummou a zawpaw a um? 17 Pawccecize kaening tuh ccungccaw patae hawte Pachia bya kha amia lang a zuakuh hae paw kae thua khyh; thuasalama Pachia kyate sawpaw ccungccaw hae lante Pachia malang thadynte Khri kya thinlung ccaccingte kae ho.