Ccakue te Tuutaw
1 Alungkhu lang te anulang ccawzeikuh zah tazeih ccangsari te khia athuapaw ccakue ccangkheit kha bawitungkhung vawlan a haungpaw a ranglang kuih kyakhe ka muih.5.1: Eze 2.9-10; Isa 29.11 2 A thawsaepaw vaawpaw nynh, "Tuh-e ccakue kha daw lan te tazeih hae kha ro lan hummou a ngaekuh?" cite thawte khua-opaw kha ka muih. 3 Tuh-e ccakue a daw kho lanpaw te a do kho lanpaw tuh vaawlang kya thuasah, laephi vaw thuasah, lae kaw lang thuasah hum sanmah um khyh. 4 Tuh-e ccakue tuh daw lan, ria lan te do lan angaekuhpaw hum sanmah muih lan a um khyh keiccuze thawte ka rah.
Khri nynh Ccakue A Daw
5 Piccan hae kyaze lukheitpaw nynh, "Rah nan, dotua, Judah phin kya-e Chindeih, David Tharui nynh a tae vae, ccakue kha daw kho zah tuin kya-e tazeih ccangsari kha a ro kho vae," cite kae kha yn hopya.5.5: Gen 49.9; Isa 11.1, 10
6 Kae nynh ka do zah bawitungkhung te ahiinpaw sarangpaw hae sa pali angaelung kya te piccan hae angaelung kyakhe a chia vae hae paw hawte athuapaw Tuutaw a thadynpaw kha ka muih; tuh-e Tuutaw tuh ki kisari te mit ccangsari hoi zah, tuh-e hae tuh laephi pynpi kalan sawpaw Pachia kya-e muisaw ccangsari nynh thua.5.6: Isa 53.7; Zek 4.10