12 Nanning tuh Pachia nynh a popaw, athyaapaw te sungsahpaw na thua oh hawte, ngaethyaumsahnaw, thawccikunaw, zakawsangsakunaw, lungnenaw, lungsaenaw khate ccaankuh oh.3.12-13: Efe 4.2 13 Lukhakheit nynh mingccangpaw tungvaw lungccing leinaw a hoi ze, lu kheit te lu kheit ngaesangpyakute ngaethyakuh oh; Bawipaw nynh ae ngaethya vae oh hawte, lu kheit te lu kheit ngaethyakuh oh.3.13: Efe 4.32 14 Hynh-e hae balyn laelan, accingpaw lunglokunaw liate pawpaw balyn a sueluapaw sungsakunaw khate ccaankuh oh. 15 Khri kya-e daenaw nynh nae thinlung kha ae la uk oh sah; tuh-e daenaw elang nynh nanning kha pyn pynkheit kya um lan ko na thua oh; te lungtuabya hothya oh. 16 Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.3.16-17: Efe 5.19-20 17 Na cyi oh paw miakaw kha bya na ho oh zemah, ryalaw na law oh zemah Bawipaw Jesu min liate pawpaw balyn kha cyih oh lah, amaw liate Paaw Pachia kalan lungtuabya ho oh.
Innbyn hanlan Phung hae
18 Zu hae, Bawipaw kya angaekuhpaw athua hawte nae vawpaw hae kaw kha ngae oh.3.18: Efe 5.22; 1Pe 3.1 19 Vawpaw hae, nae zu hae kha sungsah oh lah, minmin kya reisakuh nan oh.3.19: Efe 5.25; 1Pe 3.7 20 Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua.3.20: Efe 6.1 21 Paaw hae, nae ccaaw hae kha thinriasah nan oh, mih lung oun rohsei cih. 3.21: Efe 6.4