5 Khri Jesu kya a umpaw hynh-e tuanaw hynh nanning kya mah la um sah,
6 Khri tuh Pachia muinsan
phang a ke pite,
Pachia ryte nginkunaw kha
luade lante tuakuh khyh,
7 tuhlaeze amaw a thuanaw
balyn kha vua zah,
see muinsan kha lawkute
ccungccaw alo lante yn pui.
8 Ccungccaw muinsan lante
yn langkuh zah zakawsangsakute
chinaw kyacia—
vaelantung kya chi ciate heize
kaw a ngae.
9 Tukeiccuze Pachia nynh mah
amaw kha kou hangthung zah
min balyn laeze
alesae huapaw min kha a pya,
10 tukeiccuze vaawlang um hae paw,
laephi vaw um hae paw te
lae kaw um hae paw miakaw nynh
Jesu min kya
ccukharu a tung cih hae zah,2.10-11: Isa 45.23 (LXX)
11 Paaw Pachia phu-enaw hanlan
munglae miakaw nynh
Jesu Khri tuh Bawi nynh thua,
a ci cih hae.