16 Te Judah nynh, "Bawipaw, namaw kya pawmou kae ho kho cih? Kaemaw kong kha pawtemou ccaerarih lan kae hopah thya cih? Pachia nynh na see hae seinaw kha phe muih vae; kaening tuh a uccaw kya banang muih athuapaw ryte ka bawipaw see hae nynh kae thua," a cipya.
Judah nynh Benjamin Lue nawlan A Ngia
18 Oute Judah nynh amaw kalan naekuh zah, "Pou ka bawipaw, na seepaw kae nynh ka bawipaw na nakaring kya bya kaw kheit beih kae hopah lah na seepaw tungvaw na thinria nan sah; pawccecize nang tuh Faro te na lae khyh oh. 32 Te na seepaw kae nynh, ‘Imuapaw hynh ka paaw kalan bua kae kikhae khyh zetuh ka paaw malang seiphusahnaw kha ka hiin lungkhu ka ing vae sah,’ cite ka hopya keiccuze kae tuh ka paaw kya imuapaw hanlan aamahkhan nynh ka thua. 33 Tukeiccuze na seepaw kae hynh imuapaw ccelang namaw kya see lang beih kae tangsah lah imuapaw hynh tuh a upaw hae ryte la kibua sah. 34 Pawccecize imuapaw leite pawtemou ka paaw kalan ka ki ngan cih? Ka paaw nynh a tung lanpaw teingnaw kha muih lan ka rih," a ci.