3 Josef nynh a uno hae kha, "Kae hynh Josef nynh ka thua. Apang a hiin ung tou?" a ci. Thuasalama a uno hae tuh Josef malang mih rikawthua zah byakhung kho khyh hae.
4 Oute Josef nynh a uno hae kha, "Ka kalan oun naeku tua oh," cipah hae zah minmin nynh a naeku hae. Te aning nynh, "Kae hynh Izip ram lang nae zua oh paw nae neitaw Josef nynh ka thua. 5 Thuasalama nanning nynh Izip ram lang nae la zua oh keiccuze nae ngaethah nan sah, naemaw te naemaw mah thinriakuh nan oh; pawccecize ccungccaw hiinnaw khum khylan Pachia nynh nae malang yn la saw. 7 Pachia nynh nanning kha laephi vawlan khum khylan te alepaw luenaw liate nae hiinnaw kha khum khylan kae kha nae malang yn la saw. 8 Tukeiccuze nanning nynh Izip ram lang nae saw oh paw thua leite Pachia nynh yn la sawpaw nynh thua; Pachia nynh kae hynh Faro a paaw lante thuasah, siapharan inn a uktu lante thuasah, Izip ram balyn a uktu lante thuasah yn nung.