Zuitu hae Ccaccing
31 Jesu nynh amaw zyn hae paw Judah hae kha, "Nanning nynh ka bya kya na tyn oh ze, ka zuitu hae ccaccing na thua cih oh. 32 Nanning nynh byaccing kha na nyh cih oh zah byaccing nynh nanning kha ae luesah cih oh," a cipya hae. 33 Minmin nynh amaw kha, "Kaening tuh Abraham ciihan kae thua zah humhung see lang mah kae tang boi khyh. ‘Nanning tuh luesah na thua cih oh,’ na cipaw tuh pawmou na ho ry?" cite a ci hae.8.33: Mat 3.9; Luk 3.8
34 Jesu nynh, "Byaccaccing kae hopya oh, humhung zemah seinaw rya a lahpaw tuh seinaw see nynh thua. 35 See tuh innbyn kya zungzae um boi khyh; ccapaw tuh zungzae a um. 36 Tukeiccuze Ccapaw nynh ae luesah oh ze, na lue ccaccing cih oh.