Boei Beikbu elang Sanlou
5 Ahoypaw vaekhui kha na lah cih zah sanlou phe haw lae ning kha na thou cih; tuh-e sanlou phe kheit cci tuh ephah ccangkheit kya-e pum haw pum ning athua cih.24.5-6: Exo 25.30 6 Tuh-e sanlou hae kha sui ccite raekuhpaw ccaboi vawlan khe ring kheit kyaze phe taruh ccite, ring ning lang na nung cih. 7 Tuh-e ring kheit cci kyakhe athyaapaw frankinsen kha na nung cih, tuh-e tuh Bawipaw kalan maee te silawnaw lante sanlou hanpaw liathui silawnaw athua cih. 8 Aaron nynh tuh-e sanlou kha sabbath nin takyh kya Bawipaw malang khe zungzae hanlan byakinnaw lante, Israel ccungccaw hae nynh a rae hae paw lante tyty a nung cih. 9 Tuh-e sanlou hae tuh hmin thyaapaw kya a ae cih hae paw Aaron te a ciihan elang athua cih, pawccecize tuh-e sanlou tuh Bawipaw kalan maee te silawnawpaw hae kyaze minmin nynh a ccou hae paw athyaa huaccepaw nynh thua, tuh-e tuh zungzae tynpaw phungbya nynh thua.24.9: Mat 12.4; Mar 2.26; Luk 6.4