Kawbya Sazae hae te Farasi hae
1 Te Jesu nynh ccungccaw zapi te a zuitu hae a hopya hae paw bya tuh: 2 "Kawbya sazae hae te Farasi hae nynh tuh Moses tungkhung kya nynh a haung hae. 3 Tukeiccuze minmin nynh ae ccangpya oh paw miakaw kha zui oh lah cyih oh; thuasalama a cyi hae hawte la cyihbua nan oh, pawccecize minmin tuh ho hae zah cyih khyh hae. 4 Minmin nynh phupaw aripaw te phu arupaw kha tung hae zah ccungccaw hae raw vawlan a khang hae, thuasalama mimaw tuh mih kuihdung te sanmah nue ry khyh hae. 5 Thuasalama rya a law hae paw balyn kha ccungccaw hae nynh muih hae sah cite leih a law hae. Mih terui kya te mih kuihbaw kya a khiibiaku hae paw Ccathyaa zeikuhpaw bawngtaraw kha kosah hae zah mih angkile adung kha a ccuasaku hae.23.5: Mat 6.1; Nam 15.38; Deu 6.8 6 Poi kya ahoy huanaw hmin kha ry hae zah sinakok hae kya ahoy huapaw haungnaw hae kya haung lan a ry hae. 7 Kungkunaw hae kya sawtuate byabeihku ry hae zah ccungccaw hae nynh, ‘Sazae, Sazae’ cite koku kha a ry hae.