MATTHAI 24

See Phuin Ning

45 "Tuhte athua lanze inn hoitupaw nynh a inn kya-e ccungccaw hae kha a uktu lang te accyh azaw vae ze looh a pyatu lang a nungpaw a lungzipaw te a hawpaw see tuh hummou athua? 46 Tuhte rya a lawpaw kha a bawipaw nynh yn thua zah a muihpyapaw see tuh lungtuapaw nynh thua. 47 Byaccaccing kae hopya oh, a bawipaw nynh tuh-e see kha a uccaw balyn a do-oihtu lang a nung cih. 48 Thuasalama see hoy leipaw nynh, ‘Ka bawipaw yn thuanaw ccyh tuh aro ung cih,’ cite a lungkaw te tua zah, 49 a ban hae see hae kha a bua hae, te a neih hae paw ryte aete niate a um vae. 50 Tuh-e see nynh a tua khyh ccyh te a ny khyh ccyh lyakhe a bawipaw tuh mang yn thua cih. 51 A bawipaw nynh tuh-e see tuh palae tui lan a pae cih zah thyaruh hae ryte a nungkheih cih hae; tuin kya rawnaw te hawzynaw a um cih.