19 "Laehaw te chihhang nynh a ronaw hae te miruh hae nynh kiabia hae zah a runaw hae laephi vawlan nae sisua kha ccykuh nan oh.6.19: Jam 5.2-3 20 Laehaw te chihhang nynh a ro leinaw hae, miruh hae nynh mah a kiabia leinaw hae te a ru leinaw hae vaawlang khua khe nae sisua kha ccykuh oh. 21 Pawccecize nae sisua umnaw kya nae thinlung mah a umbua cih.
Pyn kya-e Awnaw
(Luk 11.33-36)
22 "Mit tuh pyn kya-e maeekhua nynh thua; tukeiccuze na mit tuh ahoy lanze na pyn balyn tuh awnaw te phe beih cih. 23 Thuasalama na mit ahoy khyh ze na pyn balyn tuh mohnaw te phe beih cih. Tukeiccuze nang na kya umpaw awnaw tuh mohnaw athua lanze tuh-e mohnaw tuh pawcih baban mou ale!
Bawi Lu Ning Ryalawpyanaw
(Luk 12.22-34)
24 "Hum ccungccaw nynh sanmah bawi lu ning ryalawpah kho khyh; pawccecize bawi lu kheit kha a hua cih zah lu kheit kha a sungsah cih; tuhkhyhze lu kheit kalan a pan cih zah lu kheit kha pawlangria lan khyh. Nanning nynh Pachia rya te phuasui rya parouhte na lah kho khyh oh.