24 "Tukeiccuze humhung zemah hynh-e ka bya hynh thae zah a zuipaw tuh lungpi vawlan a inn a sakkuhpaw mihawpaw te nynh a loku. 25 Khuaa yn rah zah tui yn le, khisan yn zaw zah tuh-e inn tuh a mung; thuasalama tuh-e inn tuh lungpi vawlan sakpaw athua keiccuze pu khyh. 26 E ka bya hynh thae zah a zui leipaw tuh laesia vawlan a inn a sakkuhpaw mingaeepaw te nynh a loku. 27 Khuaa yn rah zah tui yn le, te khisan yn zaw zah tuh-e inn tuh a mung, te tuh-e inn tuh phe a pu; khaleih roh lan a pu," a ci.