Mateus 8

Jesu nynh Khise A Daesah

23 Jesu tuh kohlung lungkhu lang tee zah a zuitu hae nynh a zui hae. 24 Rili kya myarya rupaw khise yn tho zah kohlung tuh tuileih nynh vyavya a vu, thuasalama Jesu tuh marya a ih. 25 Te a zuitu hae nynh amaw kha ccianuate tho hae zah, "Bawipaw, kaening oun khumtua, aening ah chih vae cih oh!" a cipya hae. 26 Jesu nynh minmin kha, "Pou zynnaw zya hae paw, pawccemou na ri oh?" a cipya hae. Tuinte thokuh zah khise te tuileih tuh daenaw kaw pya hae zah zya adae hae. 27 Te minmin tuh mih ngaeangthua zah, "E paw hynh pawcihawpaw ccungccaw mou? Khise te tuileih nynh heize a kaw a ngae hae!" a ci hae.