9 Tuin kyate Jesu tuh po a ccia lyakhe ngunto khoinaw zung kya a dahungpaw Matthai a ci hae paw lu kheit kha muih zah, "Kamaw yn zui," a cipya. Te aning nynh thokuh zah Jesu kha a zui.
10 Jesu tuh inn kya ae lan ccaboi kya a haung lyakhe ngunto khoi hae paw patae te misei hae tuh oun thua hae zah Jesu te a zuitu hae ryte a dahungkheih hae.9.10-11: Luk 15.1-2 11 Tuh-e tuh Farasi hae nynh he a muih hae tuh, a zuitu hae kha, "Pawccemou nae sazaepaw hynh ngunto khoi hae paw te misei hae ryte a aekheih hae?" a cipya hae. 12 Jesu nynh tuh-e bya kha he a thae tuh minmin kha, "A dan hae paw nynh sibawi peki khyh hae, thuasalama a ccih hae paw nynh a peki hae. 13 La cceih oh lah, ‘Kae tuh silawkunaw ka ry khyh, ngaethyaumsahnaw nynh ka ry,’ acikuhpaw kha na nythya nawlan oh la ccangkuh oh. Pawccecize kae tuh miding hae ko khylan kae thua khyh, misei hae ko khylan nynh kae thua," a cipya hae.9.13: Mat 12.7; Hos 6.6
Looh-ae Sungnaw Kong Byakhianaw
(Mar 2.18-22; Luk 5.33-39)