8 Pawccecize kae hopya ry oh paw tuh: Jesu Khri tuh minpaaw hae kalan pya athuapaw byakinpyakupaw hae kha ccingsah khylan Pachia byaccing kha langsaku lan vingdungawkuh hae paw kya-e ryalahtu lang a tang vae; 9 tuhpiaze Zenta hae nynh Pachia kha a ngaethyaumsahnaw hanlan phu-enaw a pya nawlan hae nynh thua. Ccathyaa kyaze,
"Tukeiccuze Zenta hae laku kya
kae thehoysah cih zah
na min thehoysahnaw hlaw kha
ka sah cih," cite
azeiku hawte nynh thua.15.9: 2Sa 22.50; Sam 18.49
10 "Pou Zenta hae,
a ccungccaw hae ryte
lungtuakheih oh," cite bua a ho.15.10: Deu 32.43
11 "Zenta hae balyn,
Bawipaw kha thehoysah oh;
ccungccaw hae balyn,
amaw kha thehoysah oh," bua a ci.15.11: Sam 117.1
12 Isaiah nynh,
"Jessi tharui tuh yn pou cih,
aning tuh Zenta hae uk khylan
yn langkuh cih paw nynh thua;
Zenta hae nynh amaw kha
a ngaehoikuh cih hae," bua a ci.15.12: Isa 11.10 (LXX)
13 Nanning tuh Thyaa Muisaw thungnaw liate ngaehoinaw te phe na bia nawlan oh, ngaehoinaw Pachia nynh zynnaw kyate yn thuapaw lungtuanaw te daenaw phuinccing khate ae la biasah vae oh sah.