Vaetaryanaw Vizin: Marangle Ccangpali
1 Te bua ka dothung zah sohin mua ccangning laku kyate oun pou hae paw marangle hae ccangpali kha ka muih. 2 Ccangkheitnaw marangle kya asepaw marang hae, ccangningnaw marangle kya amanpaw marang hae,6.2: Bya 6.4, 5 3 ccangthumnaw marangle kya arawpaw marang hae, ccangpalinaw marangle kya tuh puakakae lante apyaapaw marang hae a um hae.6.3: Bya 6.2 4 Te bya kae hokuhpaw vaawpaw kha, "Ka bawipaw, e hae hynh pawmou athua hae?" cite ka khia. 5 Vaawpaw nynh, "E marangle hae tuh laephi pynpi kya-e Bawipaw malang te a poupaw, vaawlui khivae ccangpali nynh thua.6.5: Bya 7.1 6 Amanpaw marang hae kya-e marangle tuh thahlang ram lang a cceih, arawpaw marang hae tuh niccaw ram lang cceih hae zah, apyaapaw marang hae tuh alia ram lang a cceih hae," yn cipya. 7 Marang hae he oun pou hae te, laephi kya ccia bungthung lan thawte a zuaku hae. Te vaawpaw nynh, "Cceih oh lah, laephi kya la cceih bungthung oh," a cipya hae. Tukeiccuze minmin nynh laephi kya a cceih bungthung hae. 8 Te vaawpaw nynh kae kha yn ko zah, "Thahlang ram lang a cceih hae paw nynh ka muisaw kha thahlang ram kya a haeungsah vae hae," a ci.