Marcos 6

30 I mil shinkǝn ki Yesu is pal te' ma’ti, is dlimi' mus ulnǝs pǝli u, nǝ ulnǝs kulci u. 31 I Yesu ulsisu nganni tǝn na' shu’ni ge' lu u nǝbǝ mbalǝn ɗa wai u, gaki mbalǝn diɗǝli si lǝti asi palti, mbi' dlil ɗǝ ɗamtima mil shinkǝn ki Yesu ma sambiwai. 32 Is zǝga ge' kundǝlǝn ki mali si nǝgwasǝn lu u nǝ bǝ mbalǝn ɗa wai u. 33 Iki mbalǝn diɓǝl, is yen zǝ’ga wasǝn, si mansi, mus mbalǝn kige gadli nǝ lǝbi u is dululu is ngǝtl nǝ mbǝkǝsti. 34 Nǝ pe’ti ki Yesu ɗige' kundǝlǝn ki malu, i’yen diɓǝl mbalǝn i' kum ci' gon twasǝn, gaki si kǝnǝ mbǝla u nǝbǝ mil be’lsi ɗawai u. I' go' kulcissi lǝɓa diɓǝli.

I Yesu Bǝl Diɓǝl Mbalǝn Ulki ɗami

35 Nǝ cin ɓal nja tǝnda u i mil kushti wasi mbǝ ma’ti, is ultisu, "Lǝbisi ngu mbalǝn ɗawai, i ngu cin ɓal nja ti ndayi. 36 Za' mbalǝn nisi sǝ' zǝga tiya ge' gatlu nǝ nja aki u, sǝ' uli gawasǝn ulki ɗamiɗa." 37 I' ulsisu, "Kiniɓo bǝlǝnsi ulki ɗamiɗa" Is ul Yesu usu, "Ulki ɗamiwasǝn nǝ pǝtl bwasti dlom ki upki lii hwon nǝm kikyautǝn ki yakǝn mbalǝn, tǝn ullisi ulki ɗami ɗangwa?" 38 I Yesu ngemsi, "Ulki ɗami nǝmi nikini? Su' yanini." Nǝs yani toɗu, is ultisu, "Lǝpa nantam kǝni, nǝ kes lob." 39 I Yesu ul mil kushti wasi usu sǝ' bwas mbalǝn tiya as dǝm atli tiya tǝn di’me. 40 I mbalǝn dǝm atli swai nami kutl kutl lǝbǝ kutl, nami kutl kutl lǝbǝ nantam. 41 I Yesu kan lǝpa nantami nǝ kes gudǝl lopisi, it taki lya, i' gode Lya, i' caccal lǝpa i, ib bǝl mil kushti wasi sǝ' buwasi mbalǝn, is buwasisi kes lopi ɗaɗanu. 42 Muswasǝn is ɗami i kǝmsi. 43 I mil kushti wasi yem dǝs kutl nǝ lop ki lǝpa gunǝ sa u nǝ kesi. 44 Diɓǝl ki mwani yi nǝ ɗami u sa tǝla zangu nantam.