35 Ni yuhi akudaha kuchisente na ungi wa Kulisito? Togola ni nkunto hegu ni chinyulu hegu ni masulumizo hegu ni sala hegu ni sakaza hegu ni nkondo hegu file,? 36 Saviya Mawandiko Yakukile yakugamba,

"Kwachausa chako chi mwe nkondo ya file chilo na msi,

chatendwa saviya ngoto ikwakuchinjwa."

37 Mna, mwezimbuli zino zose chijinka wahuda kwa wambizi wa uyo akuchunga! 38 Simanyisa kugamba siyo file hegu ujima, hegu wandima wa kwembingu hegu udahi mtuhu wa kwembingu hegu mbuli za haluse hegu mbuli zikwiza, hegu nguvu, 39 hegu ye kulanga hegu ye hasi hegu chumbe chituhu chochose, havikudaha kuchisenta na ungi wa Chohile alagise kwetu kwa sila ya Kulisito Yesu Zumbe dyetu.