Amakúlu ge Entumwa 13

Barinaba na Sauli nibatoózwa omu milimo

1 Omu kelezia ya Antiokia bakaba bali ababáasi na abeégesa. Omuli abo akaba ali Barinaba, Simeoni alikwéetwa Nigeri,*13:1 Nigeri: Ensoonga yaáho, omuuntu alikwiílagula. Lukio kuluga Kurene, Sauli, na Manaeni óogwo akalelelwa hamo no omukáma Herode. 2 Obuchilo baabeele nibamulámya Omukáma no kuzila echisiibo, Omwooyo Mutakatíifu yaábagaambila, "Muuntoóleze Barinaba na Sauli aha bwe emilimo éezo naábeetela." 3 Ha bwéecho, kábaamazile echisiibo*13:3 Echisiibo: Ensoonga, kuleka kulya habwe ensoonga yo kuzila omwáanya muzima bwooli ha kusaba (kuhooya) no kumukúza Múungu. no kumusaba Múungu, baabateeláho emikono yáabo hali Barinaba na Sauli, baábasiíndika bazeénde.